Маңғыстау облыстық футбол федерациясы ағымдағы 2017 жылдың 24 желтоқсаны күні Ақтау қаласы, 34а шағын ауданындағы «Батыр» спорт кешенінде 7-17 жас аралығындағы мүмкіндігі шектеулі балалар мен жасөспірімдер /ұлдар/ арасында футболдан жолдастық кездесу және жеңіл жаттығу өткізілді.
Аталған шараға «Жаңаөзен арнайы жалпы білім беретін және мектепке дейінгі ұйым» КММ – нен дәрігердің рұқсатымен 10 бала қатысты. Шара барысында мектеп командасы Бейнеуден және Шетпеден келген сонымен қатар тағыда басқада командалармен жолдастық кездесу өткізді. Ойын барысында оқушылардың барлығы жоғары ойын көрсетіп, ұйымдастырушылардың көңілінен шықты.
