30.09.2022 жылы күні мектебімізде қазан айының бірінші күнінде дәстүрлі мерекемізге айналған қарттар күніне орай «Қарттарым – асыл қазынам» атты тақырыпта қарттармен кездесу өтті. Мектебімізде қазыналы қарттар күніне орай өткізілген іс-шаралардың жастар бойына ұлттық ұлағатты қасиеттерді сіңіріп, имандылыққа, мейірімділікке тәрбиелеп, оралы сөздерден өнеге алуға баулуда атқаратын рөлі ерекше екені сөзсіз. Қарты бар үйдің - қазынасы бар деп дана халқымыз айтқандай, үйінде қариясы бар жанұя - шынында да, қазыналы берекелі жанұя. Өйткені кез келген ата – ана өз баласын үлкендерді сыйлауға тәрбиелейтіні ақиқат.
Мектебіміздің оқу ісінің орынбасары Момбаева Айгүл Төлепбайқызы іс-шараға келген қонақтарды мерекесімен құттықтап, аталармен әжелерге ұзақ ғұмыр, денсаулық, бақыт тіледі. Әрі қарай мерекелік іс-шара концерттік бағдарламамен жалғасты. Мектебіміздің оқушылары мен ұстаздары шараға ат салыса қатысты. Қонақтарға ақ дастарқан жайылды. Шараға келген ата-әжелеріміз ұжымға, оқушыларға жылы тілектерін білдірді.
