Халқымыз бағзы заманнан толеранттылық, қамқорлық, мейірімділік пен жұмыла көмек көрсету сияқты қасиеттерімен, мәдениетімен тарих беттерінде келе жатыр. Бүгінгі таңда сол баба дәстүрі, асыл қасиеттері мызғымастан жалпыұлттық ауқымға ие болып келеді.
Ұлтымызды ұлықтап, жасампаздық, татулық және қайырымдылық мәдениетін одан әрі дамыту үшін ұлттық мереке Қазақстан Республикасы Күні қарсаңында «Жанашыр Жүрек» халықтық акциясын өткізу республика көлемінде жоспарланған болатын.
Біздің «Жаңаөзен арнайы мектебі» коммуналдық мемлекеттік мекемесінде Республика күнін мерекелеу, Маңғыстау облысының білім басқармасы Қазақстан Республикасы Ақпарат және қоғамдық даму министрлігінің 06.10.2022 ж. № 05-21/3563 хатына орай, «Жанашыр Жүрек» республикалық халықтық акциясы жобасының тұжырымдамасына сәйкес, 5-25 қазан аралығына жоспарланды.
Жоспарға сәйкес, 20 қазан күні «Жүрек жылуы» тақырыбындағы қайырымдылық жәрмеңке Маңғыстау облыстық медициналық колледжінде өткізілді. Мұқтаж жандарға өтеусіз көмек көрсетіп, қайырымдылық мәдениетін дамытуды мақсат тұтқан мектебіміздің ұстаздары жәрмеңкеге жоғары деңгейде ат салысты.
Қайырымдылық жәрмеңкесінен 50000 теңге(елу мың теңге) қаржы жиналып, мектебіміздегі әлеуметтік қолдауды қажет ететін, аз қамтылған отбасындағы 2 оқушыға ақшалай табыстадық.
