Жаңа жыл мерекесі - әлемдегі қуанышқа толы ғажайып мерекелердің бірі. Жаңа жыл мерекесі оқушылардың жүздеріне әрқашан шаттық, күлкі сыйлайтын, көңілдерін көтеретін мерекелердің бірі. Бәріміз Жаңа жылдан жарқын ертегі, жаңа бақыт күтеміз.
Биыл мектебімізде 2022 жыл Жаңа жыл мерекесі 26.12-30.12 күні аралығында жоспарланып, сынып жетекшілер «Қош келдің, Жаңа жыл» атты тақырыпта мерекелік шараны уақытылы акт залда өткізді. Акт зал мерекеге сай безендірілген.
Сценария бойынша өткізген жаңа жылдық шыршаға аңдар, Аяз ата мен Ақшақар да қонаққа келді. Оқушылар Аяз атаға тақпақтарын, өздерінің жылы тілектерін айтып, ризашылығын білдірді. Әрі қарай бимен, ән айтумен және концерттік бағдарламамен жалғасты.
Аяз ата әр оқушыға сыйлықтарын таратып балаларды қуантты. Жаңа жылдық шыршаға мектеп әкімшілігі де қатысып барлық оқушыларды және олардың ата-аналарын жаңа жыл мерекесімен құттықтап сөз сөйледі. Біздің биылғы жаңа жылымыз жылдағыдан ерекше, себебі қоян жылы уайым-қайғы артта қалатын, адамдар үшін тұрақты тыныш жыл болмақ. Жылдың символы қоян болса, саны жеті. Ал жеті саны қазақта киелі саналған. Осылайша Жаңа жыл мерекесі жақсы деңгейде өтті. Қонаққа келген аңдар, Аяз ата, Ақшақар оқушыларға әдемі көңіл-күй сыйлады.
