2023 жылдың ақпан айының 21 күні мектебімізде жоспар бойынша өрттен сақталу жұмыстары атқарылып өтті. Өрт дабылы белгі берген соң мекеме ішіндегілер бірден сыртқа ағылды.
Біріншіден біздің міндетіміз барлық оқушыларды, қызметкерлерді эвакуация бойынша мектептен шығару. Дабыл түймесі соғылғанда өрт сөндірушілердің келулерінің алдында мектеп ауласын босату, оқушыларды өрттен әрі қарай шығару.
Білім ордасында оқитын 68 оқушы мен 65 қызметкер 2 минут 58 секунд ішінде ғимараттан толығымен эвакуацияланды. Мектеп ішінде әр сыныптағы эвакуациялық шығу есігі бар. Жалпы білім ошақтарында бұндай сақтық шаралары жарты жылда бір рет өткізіледі.
Біздің мектебіміздің әр қабатында және сыныбында эвакуациялық жоспар бар. Сондай-ақ, әр сыныпта мақта-маталы таңғыштар бар. Эвакуация кезінде біз әрдайым мұғалімнің соңынан ереміз. Ең бастысы қорықпай, дүрлікпеу керек.
Өртке қарсы оқу-жаттығу жұмыстары жоспарлы түрде өтетін шаралардың бірі. Сондықтан тілсіз жаудың алдын-алу үшін барлық сақтық шараларын ескерген абзал.
