"Жаңаөзен арнайы мектебі" коммуналдық мемлекеттік мекемесінде 23 ақпан күні ата-аналарға арналған Ашық есік күні өтті. Ашық есік күні ерекше білім беруді қажет ететін оқушылармен жұмыс жасайтын мектебімізбен, оның дәстүрлерімен, ережелерімен, тәрбие – білім беру үрдісінің міндеттерімен танысуға мүмкіндік беретін жұмыстың бір түрі болып табылады.
Бұл іс-шараның мақсаты: Ата-аналар мен мектеп арасындағы сенімді қарым-қатынасты орнату және оң имиджімізді қалыптастыру.
"Ашық есік күнінің" негізгі міндеттері: ата-аналары мен мектеп арасындағы тиімді өзара іс-қимылды қамтамасыз ету, ата-аналар мен оқушылардың бірлескен қызметте бір-біріне икемделуін дамытуға ықпал ету, отбасының жеке ерекшеліктерін, мүмкіндіктері мен қажеттіліктерін ескере отырып оқушылардың ата-аналарына психологиялық-педагогикалық кеңес беру.
Педагогтар ұжымы ата-аналарға мекемеде баланы дамытуға және оның денсаулығын нығайту үшін қауіпсіз, педагогикалық сауатты және психологиялық қолайлы орта құрылғанын көрсетуге ұмтылды.
Ата-аналарға мектебіміздегі барлық ұжымының нақты жоспарланған қызметін бақылауға болатын іс-шара бағдарламасы ұсынылды. Сонымен қатар, ата – аналар мектепте оқушылардың тамақтануы қалай ұйымдастырылатынын, сабақ барысын, жеке сабақтарды, дөңгелек үстелді көре алды.
Ашық есік күні ата-аналарға арнайы ұйымдастырылған тренингпен аяқталып, ата-аналардың барлығы мектебімізге және мамандардың жұмысына риза болып, алғыстарын айтты.
