7 сәуір –Дүниежүзілік денсаулық күні жыл сайын бүкіл әлемде аталып өтеді. Осы атаулы мерекеге орай, «Денсаулықты сақтау бұл сәнді» тақырыбындағы мектеп ұжымы және оқушылардың бірлескен түрдегі іс-шаралары өткізілді. Денсаулық күнін атап өту, бұл қалың жұртты өз денсаулығына назар аударту, оның маңыздылығын, құндылығын түсіндіру, адамдардың денсаулығын сақтап қалу үшін не істеу қажет екендігін жеткізу үшін өткізілетін іс-шара болғандықтан мектеп ұжымы белсене ат салысты.
Мектеп басшысы: Жалмуханова Ақсауле Есбайқызы салтанатты жиынды ашып берді және барлық ұстаздарды, оқушыларды осы мерекемен құттықтап, денсаулықтың маңызын түсіндірді. Мектеп өнерпаздарының ән, би шашуымен фестиваль өз жұмысын әрі қарай жалғастырды. Оқушылар арасында флеш-моб және таңғы жаттығу жасалып 1000 метрге жүгіру жарыстары өткізіліп жүлдегерлер анықталды. Жарыс жоғары деңгейде өтті, жарыс соңында арнайы алғыс хаттар мен мақтау қағаздары табыс етілді.
