12.04.2023 күні Маңғыстау облысының білім басқармасының "Жаңаөзен арнайы мектебі" коммуналдық мемлекеттік мекемесінде "Аяулы алақан" қайырымдылық жәрмеңкесі ұйымдастырылып өткізілді. Жәрмеңкені өткізудегі мақсат: мектебіміздегі өмірлік қиын жағдайдағы, әлеуметтік көмекті қажет ететін ерекше білім алуға қажеттілігі бар оқушыларымыздың отбасына көмек көрсету. Қасиетті Рамазан айымен тұспа-тұс ұйымдастырылған бұл жәрмеңкеге мектебіміздің ұстаздары үлкен үлес қосты.
Әлеуметтік көмекті қажет ететін ерекше білім алуға қажеттілігі бар оқушыларымыздың отбасына көмек көрсету мақсатындағы өткізілген жәрмеңкеден және демеушілеріміздің қолдауымен жиналған қаражатты әлеуметтік жағдайы ең төмен, көп балалы, сәтсіз отбасында тәрбиеленіп жатқан мектебіміздің оқушысына табыстадық. Сонымен бірге мектебіміздің дене шынықтыру пәні мұғалімі Наукебаев Ғ. қайырымдылық көмек көрсетіп, азық-түлікпен қамтамасыз етті.
Әлеуметтік қолдауды қажет ететін жандарға қол ұшын беру арқылы адам баласы жақсылыққа қадам бастайды. Олай болса, көмек көрсеткен барша жанға үлкен ризашылығымызды білдіреміз, мектебізімде әлі де осындай игі істер жалғасын табады деген сенімдеміз.
