Ағымдағы жылдың мамыр айының 12 күні барлық мектептерде (мемлекеттік, жекеменшік) жоспар бойынша өрттен сақталу жұмыстары атқарылып өтті. Жаңаөзен қаласы төтенше жағдайлар бөлімінің инженері азаматтық қорғау аға лейтенанты Елубаев Жасұлан Есболұлы өртке қарсы түсіндірме жүргізіп нұсқаулық пен таныстырды. Төтенше жағдай қызметкерлерімен бірлесе отырып, мектеп қызметкерлері, оқушылар арасында алгоритімдерге сәйкес нұсқау жүргізіп, эвакуациялау шараларын ұйымдастырылды. Өрт дабылы белгі берген соң мекеме ішіндегілер бірден сыртқа ағылды. Техникалық құралдардың (турникет, дабыл түймелері, бейнекамера) жұмыс істеуін тексеру, дабыл түймелері арқылы шақырылған жеке күзет ұйымдарының жедел әрекет ету қаралып тексерілді.
Төтенше жағдайлар кезінде білім ошағынан адамдарды эвакуациялауды пысықтау мақсатында ата-аналарға оқу-жаттығу жұмыстары туралы алдын ала хабарландыру берілген. Біздің міндетіміз барлық оқушыларды, қызметкерлерді эвакуация бойынша мектептен шығару. Тревожный сигнал түскенде өрт сөндірушілердің келулерінің алдында тереторияны босату, оқушыларды өрттен ары қарай шығару.
Білім ордасында оқитын 90 оқушы мен 63 қызметкер 3 минут 45 секунд ішінде ғимараттан толығымен эвакуацияланды. Мектебіміздің әр қабатында және сыныбында эвакуациялық жоспар бар. Сондай-ақ, әр сыныпта мақта-маталы таңғыштар бар. Эвакуация кезінде біз әрдайым мұғалімнің нұсқаулығымен кабинеттерді босатуымыз тиіс. Ең бастысы қорықпай, дүрлікпеу керек.
Өртке қарсы оқу-жаттығу жұмыстары жоспарлы түрде өтетін шаралардың бірі. Сондықтан тілсіз жаудың алдын алу үшін барлық сақтық шараларын ескерген абзал.
